MPSC leh MZP an inkawm
admin 08-Jan-2025 05:54 PMNimin (7.12.2024) khan Mizoram Public Service Commission (MPSC) in tunhnaia H&FW Department hnuaia Entomologist hna lakna a kalpui dan chungchangah MPSC thawktute leh Mizo Zirlai Pawl (MZP) General Hqrs. hruaitute MPSC Office-ah an inkawm.
Inkawmnaah MPSC Secretary Dr.H.Lianzela hovin MPSC official 6 an tel a, MZP lam aiawhin an President H. Lalthianghlima hoin OB pali leh adviser-te an tel a ni.
December 12, 2024 a MZP thuchhuahin a tarlan “MPSC-in Entomologist hna a lak dan leh Veterinary Asst. Surgeon hna a lak dan hi chhui chiang a, a tul anga hma la turin Mizoram Sawrkar a ngen a. December ni 20, 2024 ral hmaa hmalakna a awm lo a nih chuan, hmalak zel dan tur a ngaihtuah dawn a ni," tih chungchang ngaihtuah ho tura inkawmkhawmna leh kumthar thingpui inhona neih a ni
Boruak tha tak hnuaiah inkawm a ni a, MZP lamin an thil hriat duh leh hriat chian loh an neih hrang hrangte leh dikhlel ni a an ngaih laite thil awmzia diktak hmaichhanah inhrilhfiahna hun hman a ni.
MPSC leh MZP hian hun lo kal zel turah thawhhona tha tak nen inpawh taka hmalak ho zel tha an ti tlang a, MPSC zahawmna humhim a nih zel theih nan leh tha taka a kal theih nan thawhdun zel nise an ti bawk.
