State Day of Prayer-ah tel turin sawm

Vawiin (17.2.2025) khan State Day of Prayer hruaitute chu Mizoram BJP office-ah lengin, February 20, 2025-a State Day puala tawngtai rualna hun hman turah tel turin an sawm.

Hunserh hmangtu Mizoram Synod moderator hlui Rev. R Lalrinmawia chuan 'BJP Mizoram-te'n State Day of Prayer team-te ṭha taka min dawnsawnnaah kan lawm hle. He ni in ngaih pawimawhna ah lawm thu kan sawiin, MLA te, BJP hotute bakah member a tam thei ang ber he hun min hman pui theuh turin kan sawm che u a ni,' a ti.

MBJP President Vanlalhmuaka pawhin thu sawiin, 'State Day of Prayer Committee-te'n min rawn tlawh hi kan lawm hle. Kan state tana kohhran bik awm lo leh party lam engmah sawi loa, kan ram leh hnam damna tur atana ṭawngṭaina hun buatsaih a ni hi a lawmawm,' tiin kan ram leh hnam damna tur hian kawng hrang hranga kan theihna zawn apianga hma lak a pawimawh thu a sawi.

Ram veitute'n kan ram leh hnam damna tur leh hmasawnna tur atana hmalakna a awm hi a lawmawm hle tih sawiin Vanlalhmuaka chuan, 'BJP chuan kan din chhan Mizoram leh hnam tan a nih avangin, chumi kan mission hlawhtlinna bul chu Pathian chauh hi a ni. He ṭawngṭaina hun pawimawh tak ah hian BJP hruaitute leh member-te a tam thei ang ber kal turin kan in buatsaih dawn a ni,' a ti.