Silchar-ah missionary a thi

Joypur, Assam-a missionary nurse hna thawk HC Lalengzuali (51), Thuampui Veng, Aizawl chu tukin (18.2.2025) dar 5 vel khan Silchar-ah a thi. 

Thulaknain a tarlan danin, HC Lalengzuali hian a puma tui tling an siak chu a chauhpui em em ṭhin, a natna dik tak an hmu chhuak hlei thei lo a ni. Thla hmasa khan ni 5 chhung Jeevan Jyoti Institute of Medical Sciences (JJIMS) Silchar-ah enkawl a ni a, an chhuah hnuah an khua (Joypur)-a haw thei a nih loh avangin Silchar Mission Compound-a Lalrinawma, Hdm, OHS, inah an awmpui rih.

Hma a sawn hleih theih loh avangin ni 12.2.2025 (Pathianni) khan JJIMS hospital-ah bawk an va kal leh a, an lo admit. Nimin tlai khan thisen pek a ni a, a zia deuha an ngaih hnuah tukin khan chatuan ram a pan ta a ni. 

HC Lalengzuali hian a pasal leh a fanu kum 10 mi a kal san. A ruang hi Silchar YMA-ten buaipuiin, he thuziahlai hian Mizoram rawn panpui hun tur hriat a la ni lo.