Court-in tang turin hrem

Champhai District Special Court (ND&PS Act) heroin hawng 21 vanga man C Lalengkima, Ruantlang, Champhai District chu kum 10 lung in tang tur leh cheng nuai 1 chawi turin a hrem.

Thudawn danin, C. Lalengkima kut atang hian August 13, 2020 khan Champhai Police leh CID (Special Branch) tangdunin Champhai Ruantlang Farlui pengah heroin hawng 21 an man.

ND&PS Act hmanga thubuai siamsak niin, thubuai ngaihtuahtu Champhai District Special Judge (ND&PS Act) Liansangzuala chuan, thuhretu hrang hrang thusawi leh finfiahna atangin C Lalengkima hi thiam loh a chantir a, kum 10 chhung jail tang tur leh cheng nuai 1 chawi turin a hrem.

A sum chawi tur hi a pe tla thei lo a nih chuan thla 6 dang jail tan belh a ngai dawn a ni.