Kuhva rah tawlhruk tum nia hriat hmu

Vairengte Kuhva Society hruaitute chuan vawiin (13.4.2025) tlai khan dan loa kuhva rah tawlhruk tum ni ngeia hriat, truck pali hmanga phurh an endik a, lirthei khalhtute hi an tlanbo nghal nia hriat a ni.

Truck-te hi Champhai District registration vek an ni a,  tun thla ni 10 zing kara Vairengte checkgate paltlang tum nia hriat niin, Vairengte Police Checkgate a thlen hmai Vairengte dai a Taxation Data Entry Centre-ah din tir niin, motor khalhtute hi an tlanbo nia hriat a ni. Vairengte Police hriattir nghal an ni.

Vairengte Kuhva Society chuan sorkarin kuhva rah tawlh khapna thupek a chhuah reng chung pawhin, tunlai hian a rukin kuhva ro tawlh hi a kal reng niin an sawi a, sorkarin nasa leh zualin tan a lak a ngai nia an hriat thu an sawi bawk.