Khawlaia ui chhuak vai

Armed Veng Local Council member-te chuan nimin (12.4.2025) zing khan an veng chhungah a neitu tel loa khawlaia ui chhuak a awm leh awm loh an vai.

Armed Veng LC-te chuan ui pawna chhuak pakhat an man. Ui pakhat bak man tur an hmuh loh avangin lawmawm an ti a, ui vulhtute chu fimkhur leh ṭha taka ui vulh a, zalen taka chhuahtir mai mai lo turin an ngen nawn. A khat tawka khawlaia ui chhuak an awm leh awm loh vai thin an tum.

Tin, kar leh hun remchangah ui hridanna lák/pek runpui neih tum a ni a ni tih tarlangin, ui vulhtute chu hridanna hi an uite laktir vek turin an hriattir.