Raltlan haw turin ti

New Champhai Branch YMA chuan an veng chhunga awm Myanmar atanga rawn raltlan pakhat chu buaina siam a chin vangin haw turin an ti.

Thulaknain a tarlan danin, New Champhai Branch YMA chuan raltlan  Vum Deih Lian, Helipad veng, New Champhai awm chu nungchang ṭha lo tak, rui chunga buaina siam chíng leh hmanrua nena mi rikráp chíng a nih avangin ni 18.6.2025 ral hmain New Champhai chhuahsan a, Myanmar-ah haw turin an hriattir a.

New Champhai Branch YMA chuan Sub-Hqrs YMA, Champhai leh a huamchhunga Branch zawng zawng te’ hriatpui turin an ngen.