Rakzu thahnem tak leihbua
admin 10-Jul-2025 10:23 AMSerchhip Police-ten tunhnaia rakzu an man thahnem tak chu nimin (9.7.2025) khan court thuchhuak angin leihbuak a ni.
Lenkawl Editor Zonuna Kawlni hnen atanga Bengvarna thudawn danin, Serchhip Police-te hian June 24, 2025 khan Chhingchhipah rakzu litres 640 an man a, June 28 khan Serchhip Tuikhuah Veng-ah litres 256 an man leh a ni. Heng zu man chungchangah hian thubuai ziaklut nghalin Serchhip District Court-a dahluh a nih hnuah a tul ang angte buaipuiin, sample pawh enfiah turin Forensic Science Laboratory (FSL)-ah thawn a ni tawh.
Sample an thawn bak zawng hi court-in tihral a remtih chin chu nimin khan Serchhip District Court-ah hian leihbuak a ni. He hunah hian Asst. Public Prosecutor leh Serchhip Police Prosecution Branch-a Prosecuting Inspector leh a thawhpui te bakah Court-a thawktu thenkhatte pawh an tel a ni.
Serchhip District Court-a Asst. Public Prosecutor Laithanpuia chuan heng zu mante laka thubuai ziahluh chu ngaihtuah mek ala ni tih sawiin, tun tuma an leihbuak tak te hi court-ah enfiah tawh leh a dahna tur an neih that tawk loh avanga court hriatpuina leh remtihna a tihral a nih thu a sawi bawk.
