Hulhliap SCC thawkhatna a zo
admin 13-Jul-2025 05:14 PMHulhliap Short Stay Centre (SCC) thawhkhatna ni 20 chhung awh chu nimin (12.7.2025) khan zawhfel a ni a, camper a tawp thlengin mipa 105 leh hmeichhia 14 an awm.
Synod Revival Camping Center, Neihbawi a Mizoram Sorkar, tlawmngai pawl leh kohhran tangkawpin an buatsaih Hulhliap Programme-ah hian mumal taka ruihhlo avanga harsatna tawk te enkawl niin a buaipui Core Committee Chairman Malsawmzuala Ralte leh Secretary Lalhriatzuali Ralte-ten a hmun atang hian camp chhuakte an han thlah.
Mahni chhungte lamtu nei lo chu an kal tanna Bawngkawn YMA Hall leh Central YMA Office-ahte phurh thlen leh niin, heta tang hian a then an chhungten an lam a, a then mahni in an haw leh a ni. Central YMA Office ah hian SW&WCD MinisterLalrinpuii pawhin lo hmuakin kawmna hun leh fuihna huntha tak a hmang a ni.
Tuna camp chhuakte hi anmahni duhthu in PISGAH Reformatory Center, Thingsulthliahah mipa pahnih leh Shakti Sadan, Maumualah hmeichhia pakhat an lut. A bak zawng hi mahni ina lamah an haw a ni. Hulhliap Program hi camp chhuak ina hawte tan la chhun zawm niin after care follow-up, psycho-social counseelling hmangin volunteer psychologist leh social worker mi 40 rualin an vil zui ang a, thla 3 chhung a tul angin an enzui dawn a ni.
Sorkar ruahman dan chuan hemi atanga damna changte tan hian after care skill training leh handholding-te tih chhunzawm tum a ni a, hetiang tihna tur hmun remchang hi dap mek a ni.
