Health Minister-in MSPN a tlangzarh
admin 13-Jul-2025 08:56 PMHealth Minister Lalrinpuii chuan nimin (12.7.2025) khan Aijal Club-ah Mizoram State Positive Network (MSPN) a tlangzarh.
Lalrinpuii chuan Mizorama HIV veite inzawmkhawmna leh intihchaktawnna tur pawl din a ni chu lawmawm a tih thu sawiin, 'HIV veite tan mahni dinhmun inpawm leh nunpui thiam a pawimawh. Hmalam hun thlir thiam tura fuihtu an mamawh. Hemi atan hian anmahni dinhmuna ding ve leh an tawn ang lo paltlang ve tawhte chu an tangkai hle,' a ti.
Kan rama ruihhlo rawn lut nasa chuan thil tha lo tam tak a kentel thu sawiin Health Minister chuan, 'HIV pawh a tih darh nasat phah. Kan rama ruihhlo rawn lut tur dan a pawimawh takzet a, ruihhlo ti lo tura awareness neih a pawimawh,' tiin sawrkar chuan HIV darh zel tur ven leh inzirtir lamah nasa takin hma a lak thu a sawi.
He hunah hian MSPN member-te leh an hmalaknaa anamahni puitute hnenah memento an hlan. MSPN hi Lalruatfeli’n kum 2021 khan a din a, kum 2024 khan firms & societies-ah an in register. Mizorama HIV hrik paite an damkhawchhuah theihna tur te, taksa leh rilru hrisel an neih theihna turte leh khawtlanga HIV hrik paite enhranna a reh theih nante hma an la thin a ni.
