Railways hotuin sawifiah

Vawiin khan (19.8.2025) chawhma khan Vinod Kumar, Chief Engineer (Construction), Northeast Frontier Railways chuan Chief Minister Lalduhoma hnenah Sairang Rel Station sak hna an thlen tawh chin a sawifiah.

Chief Engineer hian Sairang Rel Station awm dan hrang hrang chipchiar takin a tarlang. A sawi danin, he station-ah hian platform inkalpawh tawnna tur subway pathum a awm dawn a, flyover bridge a awm lo thung.

Khualzin lo thleng tharte chu leihnuai platform-atanga chhukin ILP Check Post paltlang zelin an chhuak ang . Bungraw hlanna platform lamah State Taxation hmunhma tur dahna hmun tur siam a ni bawk ang.

Chief Minister-in Union Railway Minister Ashwini Vaishnaw hnena a lo thlen tawh angin, he station hi World Class Station ni tura thuam that chhoh leh tur a ni. 

Sairang Rel Station hi Prime Minister Narendra Modi chuan a rawn hawng tura beisei a ni a, chumi atana inbuatsaihna lamte pawh an sawi nghal a ni.