CM hoin lo zawh a ni dawn

Tourism Department, Agriculture and Farmers’ Welfare Department leh AssociaƟon of Tour Operators (ATOM) tangkawp chuan 'Lo Zawh Pui Tek' Den Zau, Tualpui khua, Khawzawl District-ah a vawikhatna atan buatsaih an tum.

Lo zawh tum chungchang hi Tourism Minister Lalnghinglova Hmar hoin ni 8.9.2025 khan a office-ah sawiho a ni. Lo Zawh Pui hi tun thla ni 16.09.2025 hian hman tur a ni a, inpuahchahna hi ATOM leh Tualpui khawtlangin ngawrh takin an kalpui mek. 

Tourism Minister chuan agro tourism chawikan nan lo zawh pui neih turah hian Tualpui khua leh a chhehvel lo neituten an thlai thar a tam thei ang ber pho chhuak a, a hlawkna an tel a pawimawh thu a sawi a, 'Loneitute thawhrim zia a chhimtuten an hriathiam theih nan a chhimtute hian hlo thlo ve ngeiin, a huhova lo zawhna neih a thain ka ring,' a ti. 

Ruai tuihnai tak a kal apiang tan buatsaih a ni ang a, zaithiamte sawm an ni bawk ang. Tualpui khua hi Chief Minister Lalduhoma pian leh murna khua niin telpui ngei a tum a, Tualpui khua a Lo Zawh Pui hi a duh apiang tan cheng 200 chawiin chhim theih a ni ang.