YMA CCC an thukhawm

Vawiin  10.09.2025 chhun khan YMA rorelna sang ber dawttu, YMA Central Coordination Committee ( CCC) vawi 103-na chu Central YMA Hall ah neih a ni a, October 21-23,, 2025-a YMA Inkhawmpui Lian neih tura agenda lut hrang hrangte thlitfim a ni. A hnuaia tarlante hi agenda tura chhawp chhuah an rel.

YMA KHAWIH : 

1. YMA inkaihhruaina leh nihphung leh hruaitute mawhphurhna rampumah inzirtira neih ni rawh se.

2. Mizoram chhunga hnamdang sumdawng, phalna nei lo tam ta lutuk hi titlem turin YMA-in hma la rawh se. 

3. Mizo hmeichhia ten namdang pasala an neih zel loh nan Central YMA hian inzirtirna nasa zawkin kalpui rawh se. 

4. Mizo Infiamna te chawisan a nih theih nan CYMA in hma la rawh se.

5. Zohnahthlak chi peng hrang hrangte Mizoram a chengte zingah chi bil hmalakna a awm tawh loh nan Central YMA in hma la rawh se

SAWRKAR KHAWIH :

1. Inner Line Permit (ILP) hi tun aia khauh leh awmze nei zawka kalpui a nih theih nan YMA-in Sawrkar-ah thlen rawh se

2. Tui hnar humhalh dan siam ni rawh se. (The Mizoram Water Source Catchment Area Protection Act & Rules) 

3. Mizoram chhunga inkalpawhna kawngpui hrang hrang a chhiat avanga mipuiten harsatna kan tawk nasa lutuk thin hi a lo ziaawm theihnan Mizoram Sawrkarin tun aia chak zawkin hma la rawh se.

KUMPUAN RAWTNA :

1. Ruihhlo Do

2. Ram leh hnam humhalh