Min thlan tlin ka beisei - John Rotluangliana

Dampa Bial MLA by-election a Congress candidte tur John Rotluangliana thlan tlin a nih ngei a beisei thu leh Vanlalsailova thlan tlin nimah se, eng nihna mah an pek a rin loh thu a sawi.

John Rotluangliana chuan by-electio ln hi ruling party chanpualah ngaih thin a nih thu sawiin, 'Ma se, kan rulling ho hi an che chhe em a, belhtlakah an ngaih ka ring lo. An candidate Vanlalsailova pawh hi lo tling ta pawh nise eng nihna mah an pek ka ring lo. Nihna pawimawh zawng zawng joint secretary thlengin an inpe zo vek tawh a,  eng chanvo mah pek leh tur an nei tawh lo. Chuvangin he bye-lection hi ruling chan a nih ka ring lo,' a ti.

Tun hma pawhin kan MLA-te boral avangin by-election a lo awm tawh thin tih sawiin John Rotluangliana chuan, 'Election Commission in election an puan hnuah candidate te an puang thin a ni ngai. Tun tum by-election kalphungthar hnuaiah chuan eng ti teh reng nge maw ni candidate puan an hmanhmawh em em ni,' tiin mipui an ti phawklek zawh vek thu a sawi.

John Rotluangliana chuan Congress candidate an thlangtling a nih chuan kum 2028 MLA election ah chuan Congress Party-in hnehna an chang ngei ang tih sawiin,  'Hemi tur atân a meichher lo chhi alh hmasa turin Dampa mipuite ka sâwm che u a ni.  Congress Party lo chhuahsan zawng zawngte kha lo kîr leh vek turin ka sâwm a che u. Pathian khawngaihna leh mipuite zarah, tun sawrkar dik lohna bei let tur hian MLA ah min thlantlin ngei ka beisei a. Dampa ah hian Congress MLA ni turin ka lo kal dawn lo a, Dampa mipuite MLA ni turin ka lo kal dawn a ni,' a ti.