AMCECC-in DP&AR Minister an kawm

Tukin (19.9.2025) dar 7:30 khan All Mizoram CSS Employees Coordination Committee (AMCECC) hruaitute chuan DP&AR Minister K Sapdanga a chenna inah an kawm.

AMCECC hruaitute chuan an duh leh tul an tihte thlenin, an member tam tak chu an thinrim tawh hle a, an inbengdaih hram hram thu DP&AR Minister hi an hrilh.

DP&AR Minister chuan a theih chin chinah AMCECC hruaitute thu thlen chu lo bawhzui sak a tiam.

Thudawn danin, CSS-te dahngheh an nih theihna tura checklist chu siamthat a ni dawn a, tun aia khirh lo deuha siam tum a ni. Thla khat velah chuan peih hman beisei a ni.

Tarlan tawh angin, AMCECC chuan vawiin chhun dar 12 hian extended committee a koa, an kal zel dan tur an rel ang.