Office kai hun chhung

GAD chuan vawiin (22.9.2025) hian office memorandum ti chhuakin, Mizoram sawrkar hnathawkte pisa kai hun chhung tura bithliahte a tarlang.

GAD tarlan danin, Mizoram chhung leh hmarchhaka Mizoram House-a sawrkar hnathawkte chu October 6, 2025 atanga February 13, 2026 chhung chu zing dar 9 ah office tanin, tlai dar 4 ah an bang ang. February 16, 2026 atanga October 2, 2026 chhung chu zing dar 9:00 ah tanin tlai dar 5 ah an bang ang.

Delhi, Kolkata, Mumbai leh Bengaluru-a Mizoram sawrkar hnathawkte chu October 6, 2025 atanga February 13, 2026 chhung chu zing dar 9:30 ah office tanin, tlai dar 5 ah an bang ang. February 16, 2026 atanga October 2, 2026 chhung chu zing dar 9:30 ah tanin tlai dar 5:30 ah an bang ang.