Chapchar Rimawi Kut hman a ni
admin 05-Mar-2023 05:22 PMMZI buatsaihin nimin (4.3.2023) chhun leh zan khan AR Lammualah Chapchar Rimawi Kut, 2023 hman a ni a, zanah Art & Culture Minister R Lalzirliana'n a telpui.
R Lalzirliana chuan Chapchar Rimawi Kut hmang tur kal zawng zawngte chibai bukin, 'Thuawihna nena Mizo kan nih anga a huna hotute thu anga awm thei, hnam hmuh a mawi taka khawsa thei kan nih avangin lawmthu ka sawi a ni. He rimawi Kut hi Chapchar Kut kaihnawih a ni,' a ti.
Mizo nunmawi chawisan a tul zia thangthar ten kan hriat thar a pawimawh tih sawiin Art & Culture Minister chuan, 'Pi leh puten aia upa an zahthiamnate, hmeithai leh harsa zawk thin dante hre reng ang u,' tiin Mizo nula leh tlangvalte huaisen taka dikna tana ding chhuak ngam turin a chah.
He hunah hian Art huang chhunga Padma Shri dawngtu KC Runremsangi hnenah chawimawina hlan a ni. Band hrang hrang hnen atangin rimawi ngaihthlak niin mi thahnem takin he hunah hian an kal a ni.
