Aizawlah Red Bull Urban Downhill Racing

Kumin kum tawp lamah hian India rama a hmasa ber turin Red Bull Uraban Downhill Racing chu Aizawlah neih a ni dawn niin Sports & Youth Services Minister Lalnghinglova Hmar chuan a tarlang.

Lalnghinglova Hmar chuan a social media account-ah 'Khawpui chhunga thirsakawr inelna rothap leh hmuhnawm hi lo châng reng rawh le,' tiin Red Bull Uraban Downhill Racing tan a nih huna en turin mipuite a sawm lawm.

Aizawla Red Bull Uraban Downhill Racing neih tur chungchangah hian vawiin (9.5.2024) hian Red Bull aiawhte chu Sports Minister office-ah lengin an sawiho.

Sports Minister chuan, 'Red Bull aiawhte nen phur takin kan sawiho. Khawvel huap mountain bike khalh thiam rual kan hmu dawn a; inelna buatsaih a ni dawn bakah, Aizawl khawlaiah ngei hei hi kan en thei dawn,' a ti. Sports Minister a phur hmel viau.