AMC-in khapna ti chhuak

Aizawl Municipal Corporation (AMC) chuan, fur ruahtui tam lai August 1 atanga October 31, 2024 chhung a AMC area huam chhungah lei laih leh leivung hmanga ruam/kawr chhunte a khap.

AMC chuan furpui laia lei laih hian chhiatna, nunna channa hial thlen thei tih tarlangin, 'Kan lo him tlan zawk nan thupek hi zawm theuh turin mipuite kan ngen a ni,' an ti.

Thupek zawm lote chu Section 153 & 157 - A of the Mizoram Municipalities Act, 2007, AMC (Site Development &  Slope Modification) Regulations, 2017 leh AMC SWM Bye-Laws, 2019  hmanga hrem theih an nih thu pawh AMC chuan an tarlang tel.