In a kan nasat hmain thelh hman

Nimin (17.9.2024) chawhnu khan Serchhip Chhim Venga chenna in pakhatah kangmei a chhuak a, in a kan nasat hmain thelh theih a ni.

Lenkawl Editor Zonuna Kawlni hnen atanga thudawn danin nimin chawhnu dar 2:00 vel khan Serchhip Chhim Venga H Rodingluaiate chenna inah kangmei a chhuak a, in hi semi RCC niin, Mizopa chhiara chhawng thum a ni.

Kangmei hi a chhawng lai atanga intan nia hriat a ni a, In chhawng chung ber luahtu H. Rozamliani chuan kangmei a chhuak tih a hriat veleh tanpuitu au in mi tlawmngai kalkhawmten kangmei hi an thelh zui a ni.

Kangmei chhuah chhan tak hi hriat a ni loa, choka leh sitting room ceiling nasa taka kangchhe hmanin, bike pakhat a kangchhe bawk.