South Tuipui khualbuk tan fridge pe

South Tuipui Bialtu MLA Jeje Lalpekhlua'n a bial chhung mi Zoram Medical College (ZMC) pantute tana Falkawna in a luah pantute tana hman turin Voltas Malsawm House neitu Muanteate chhungkuain refrigerator an pe.

Jeje Lalpekhluana chuan Voltas Malsawm House dawr neitute chungah thinlung taka a lawm thu tarlangin, 'He khualbuk hi South Tuipui Bial chhung mipui damlote'n tangkai taka kan hman chhunzawm zel ka beisei,' a ti.

Bengvarna thudawn danin, South Tuipui Khualbuk hi bial chhung atanga damlo ZMC panten an hmang tangkai hle, awl lai a awm mang lo. 

Khum pali an dah a, khum in chan loh avangin chhuata mute an awm thin. Eirawngbawlna engkim an dah bawk a, mahni in eirawng an inbawl mai zel. Bial chhung mipuite tan liau liau a siam a ni a, riah man a awm lo.

ZMC-a a damlo awmpui tute pakhat chiahin riahpui a ngaih thin avangin Aizawl atanga in kan te a hautak thin avangin khualbuk atan in hi luah a ni.