RTP Farm, Sethawnah kawng dang dawn

Kolasib District Land Owner’s Association (KDLOA) chuan thuchhuah siamin Kolasib District mipuite'n kum 3 hma lam atang khan ram inchuhna avangin buaina leh an lo tawk tawh tih tarlangin, 'Hemi chungchangah hian State Sawrkar pawh tum eng emaw zat kan lo dawr tawh a, amaherawhchu, vawiin thlengin he harsatna hi chinfel a la ni ta chuang lo,' an ti.

KDLOA chuan an lungawi lohna lantir nan leh kan dikna leh chanvo humhim nan hreh tak chungin NH 06 & 306 (Silchar – Aizawl road) hi dan (block) nise tiin a rêl ta tih an tarlang. 

Road Block neih tanni tur : Dt 25 Sept 2024, Dar 06 : 00 am atangin thu leh awm hma. 

Road Block na hmun tur : RTP Farm Seṭhawn. 

ROAD BLOCK NEIH TUM CHHANTE 

1. Ram neitu nihna (Ownership of Land) hi sawrkar in chingfel vat rawh se. 

2. RRF Notification 1965 hi ram hmasawnna daltu a ni a, thiah ni rawh se. 

3. Four Lane Project hi tihhlawhtlin ni rawh se. 

4. Kum 3 chuang hma la thei lova kan ram min khuahkhirhna (Freezing Order) hi sawrkarin sut rawh se.