ZPM Sorkar hi hnunglam hawiin an kal - MNYF President

A bial Hachhek fanga zin mek Robert Romawia Royte, MNYF President chuan vawiin (18.9.2024) chhun khan Kanhmunah an party-ah mithar a lawmlut a, ZPM kaihhruai sorkar chu hnunglam hawiin an kal niin a sawi.

Robert Romawia chuan, 'ZPM Sorkar hi sorkar hmasa tihdik loh zawngin hnunglam hawiin a kal a, tun hi min thlenpui ta a nih hi. SASCI Part-I sum sanction sa cheng nuai 23,331 an tih lapse chhan pawh kha hnunglam an hawi rei lutuk vang a ni. Sum lapse pawi zia hi thla 9 zet an sorkar hnuah an hmuchhuak tan mek,' a ti.

MNYF President chuan chuan ZPM CM leh Minister-te hi India Danpui hnuaia mawhphurhna kengkawh tura thutiam la vek an ni tih sawiin, 'Mah se, an chanvoah ngei pawh mawhphurhna la ngam lova, midang dem tur an zawng thin hi a dik lo,' tiin an chanvoa dik lo awmah midang puhmawh zel lovin mawhphurhna la ngam se tih chu mipui ngaihdan niin a sawi.