Mizoramin thisen pe tha lawmman dawng

Mizoram chuan National Voluntary Blood Donation Day, nimin (October 1, 2024) khan India hmarchhak state zingah a thlawna thisen pek, voluntary blood donation-a ti tha ber lawmman Ministry of Health & Family Welfare leh National Blood Transfusion Council atangin a dawng.

Nimin kha National Voluntary Blood Donation Day a ni a, he ni pual hian sawrkar laipuia Ministry of Health & Family Welfare leh pawl dangte chuan Jaipur, Rajasthan-ah India Blood Donation NGO Conclave-ah an buatsaih.

Conclave-ah hian award ṭhenkhat sem a ni a; hmarchhak state-a voluntary blood donation-a ti tha ber lawmman chu Mizoram hnenah hlan a ni a, Mizoram aiawhin Dr Vanlallawma Khiangte, Lunglei Civil Hospital-in a dawng.

Thisen pek leh lak chungchanga state-a thuneitu chu State Blood Transfusion Council a ni a, award-ah pawh hi Mizoram State Blood Transfusion Council hminga kaltir a ni. Award buatsaihtu hi Ministry of Health & Family Welfare leh National Blood Transfusion Council an ni.