Chaltlang Tourist Lodge 5 star-ah - Tourism Minister

Tourism Minister Lalrinpuii chuan vawiin (11.11.2024) a Aizawl Press Club-a press conference a neihnaah Tourist Lodge, Chaltlang chu 5 star hotel-ah siam tum a nih thu a sawi.

Lalrinpuii chuan khualzinte tana infrastructure tha nei turin nasa taka hma an lak thu sawiin, 'Mizoram, state pakhat ve riang ruangin 5 star hotel kan nei ve miah lo mai hi ka ve ve em em a ni. Plenary, meeting, business summit etc. lian dawng tur pawhin kan state hian hmunhma kan nei lo hi a buaithlak hle,' a ti.

Tourism Minister chuan hotel chain lian tak tak hnen atangin 5 star hotel din tura offer an hmuh thu sawiin, 'Chuvangin, Tourist Lodge, Chaltlang hi 5 star hotel a nih theihna atan outsource mai turin hma kan la. Tih tur ang angte kan tifel nual tawh," a ti a, assets neih sate hlut zawng hriatchian a ngaih assets valuation ti turin PWD an ngen thu a sawi.

PWD-in assets valuation an tih zawh chuan expression of interest chhuah ve theih mai an beisei tih sawiin Lalrinpuii chuan, 'Kan sorkar chhung ngeiin 5 star hotel kan neih theih ka beisei,' a ti.