Aizawl Dist. Crime Review Meeting

Vawiin (17.1.2025) chawhma khan Aizawl SP Rex Zarzoliana Vanchhawng hoin a office-ah Aizawl District Crime Review Meeting, 2025 neih a ni a, Aizawl District chhunga Sub-Divisional Officer (SDPO) te, Dy SP (Prosecution) leh Aizawl khawpui chhunga Police Station hrang hranga Officer-in-Charge te an tel a ni

Crime Review Meeting-ah hian kum kal ta 2024 chhunga Aizawl District a crime chungchang te, Aizawl DEF hnuaia Police Station hrang hrang hnuaia thubuai ziahluh bakah dan leh thupek kenkawh chungchanga Aizawl District Police-te hmalakna hrang hrangte thlirlet niin, kum 2025 a dan leh thupek kenkawh leh misual hnuchhui kawnga hmalak dan turte sawiho nghal a ni. 

Meeting-a tarlan a nih danin, kum 2024 chhung khan Aizawl DEF hnuaia Police Station hrang hrangah thubuai (case) 1460 ziahluh a ni a, Aizawl Police Station-ah thubuai ziahluh tam ber niin thubuai 489 ziahluh a ni. Heng thubuai ziahluh zawng zawng atang hian case 712 (48.77%) chu chhuichhuah niin, chargesheet tawh a ni. Chhui mek case 404 a la awm.

Tin, kumthar 2025-ah January 15 thleng khan case 104 ziahluh tawh niin chung zinga case 57 te chu chhuichhuah (detect) tawh a ni.