Japan-a hnathawk tur thlah liam

Labour, Employment, Skills Development & Entrepreneurship (LESD&E) Minister Lalnghinglova Hmar chuan vawiin (15.4.2025) chhun khan a office-ah India leh Japan Sawrkar thawhdunna hnuaia Japan-a caregiver hna thawk tura kal turte a thlah liam.

India leh Japan Sawrkarin Specified Skilled Worker (SSW) programme kalpui turin memorandums of cooperation (MoC) an lo ziak tawh a, hemi hnuaiah hian Kobe International University, Japan leh Mission Foundation Movement-te chuan Japanese Language Course a ni.

He program ah hian Japanese Langguage N4 thleng a zir theih. Zir chhuakte chu Certificate of Eligibility, Ministry of Justice, Japan Government-in a pek hnuah working visa pek an ni. Japan-a hnathawk tura kalte hi auxiliary nurse midwife course zirchhuak pahnih leh phamacist pakhat an ni.

Tun tum hi Mission Foundation Movement leh Japan Sawrkar thawhdunna hnuaia Japan a kal tur batch hnihna an ni Anni hma hian caregiver hna nursing course pass chhuak mi 24 chu Japan-ah hnathawk a tirh an ni tawh.

LESD&E Minister chuan, 'Japan in an ramah caregiver hna thawk tur an mamawh a, chumi tur chuan India ram an rawn hawi. An rama thawk turin hmel leh pianhmangah pawh anmahni hnaih deuh zawk tan beisei a sang zawk a, hemi atan hian hma kan la zel dawn. Mizoram nena thawkho turin an inhawng,' a ti.