Mi chilhlumtu man tawh

Tukin (15.4.2025) a Zemabawk Tawngtai Mual thlanga truck hmanga Angely Ramngaihawmi (18) d/o J Lalrosanga, Thingsulthliah chilhlumtu chu man a ni tawh.

Police-in truck neitu Silchar lam mi hnena a rang lama truck khalhtu hi police station-a hruai tura an tih angin, truck neitu hian a driver hi zanin dar 8:30 vel khan Bawngkawn Police Station a hruai thleng a, police-in an man nghal.

Truck khalhtu hi Abdul Sukkar Laskar (32) s/o Abdul Nur Laskar,  Joydhanpur, Cachar District a ni.

Tarlan tawh angin, tukin dar 6:30 vel khan bike Gixxer (250) MZ/01 N - 6964, Thangrema (22) s/o Thangchhuana, Ngopa, tuna Zemabawk awm khalh Thingsulthliah atanga Aizawl pana tlan chu anmahni tawk zawnga tlan Ashok Leyland Truck MZ/01 Z - 0166  full load nen an inpelhna lamah a tlu a ni.

Bike hnunga chuang Angely Ramngaihawmi (18) d/o J Lalrosanga, Thingsulthliah lu chu truck ke ding lamin a chilzui a, a ka chhawn loin a thi.

Truck driver leh handyman police thlen hmain an tlanbo nghal.