Runliani thattua rinhlelh an zawng

Vawiin (19.8.2025) chhun dar 12:45 vela an chenna ina an hmuh Runliani @Luti (80) thattua nia rinhleh chu Maubawk khawtlang leh police-in an zawng mek.

Maubawk atanga Bengvarna thudawn danin, Runliani thattu nia rinhleh hi an veng mi tho a ni a, tunhmain kutte thlakin a pawisa a lo chhuhsak tawh a ni. Runliani thih hnuah hmuh zui tur a awm loa, he thuziahlai thleng hian hmuh a la ni lo. A rinhleh hi ruihhlo ti thin nia hriat a ni a, kum a la tling lo.

Runliani ruang leh an in velte Forensic Science Laboratory-a mithiamte leh police-te'n an endik a, postmortem tur niin, naktuk chhun dar 12 ah vui a ni ang.

Tarlan tawh angin, Runliani hi a fanu leh a tupa nena cheng an ni a, an in chhungah eichawp dawr an siam. A chenpuite hi an chhuak vek a, an dawra thil lei turin chhun dar 12 velah thiin a hmu. A hrawkah chema zaina hnuhma a awm.