Education Department-in tisual palh

Education Depatment chuan nimin (6.9.2025) khan thuchhuah siamin Teachers Day puala Education Minister Dr Vanlalthlana thuchah tur an siamah kumina National Award to Teachers dawng awm lo anga an tarlan chu an tihsual palh a nih thu an tarlang.

Education Department hian ram chhunga, hmarchhak bial atanga dawng hmasa ber an lo hmaih chu pawi an tih thu an tarlang a, 'Mizoram University atanga National Award to Teacher for Higher Education 2025 dawngtu Head of Mizo Department Associate Professor Dr. Zoramdinthara kan lawmpui tak zet a ni,' an ti.

Education Minister-in Teacher’s Day thuchah a sawi tur an siam laiin an hmaih palh tih tarlangin Education Department chuan, 'Kan department thuneihnain a huam zirtirtu, National Award to Teachers 2025 dawng thei tùra rawtte chungchâng chauh târlan a ni,' tiin Mizoram atanga an recommend pathumin an dawng lo tih an tarlang.