Bukvanneiah chenna in a kang

Nizan (6.9.2025) khan Bukvannei, Kolasib District-ah Lalrinmawiate chenna in Assam Type chu bungraw chuh hman loin a kang ral.

Lalrinmawia hi a fapa kum 11 vel mi nen a khawsa niin, in kan lai hian an pafa in an thiante inah lengin chaw an ei nghal. In kàn chhan hi hriat ni lo mah se, an mei chhemna thuk atanga chhuak ni a rin a ni. In hi a kang chhe nasa hle a, a bang tile leh a chung rangvate chu hman zui tlak loh in a kang chhia a, a scarting leirawhchan (brick) erawh a kang chhe lo.

He in hi Sorkar Laipui hnuaia mirethei in sak tanpuina sum hmanga sak niin, a chhuat cement, a bang dap leh a chung rangva a ni. In kang hi khawtlanga mi tlawmngai kal khawmten theihtawp an chhuah hnuah a kan ral hmain an thelh thei hram a, an bungrua pawh a kang chhe nasa hle.

In kanna hmun hi tukin zing khan an khawtlanga hruaitute'n a hmunah an enfiah a, in sak that hnatlang neih hun tur erawh an ruat fel lo.