Port Blair-ah Mizo nula a thi

Lalthazuali (23) d/o Lalnienga, Champhai Zotlang chu nizan (6.9.2025) khan Port Blair, Andaman and Nicobar Islands-ah a thi.

Bengvarna thudawn danin, Lalthazuali hi Mumbaia-a hotel-ah hnathawkin a awm thin a, March 2025 khan Port Blair-ah a hnathawhna a sawn a ni. Kar hnih liamta vel atang khan a damloa, a natna hi doctor-ten sawi chiah lo mah se, a awm dan vel atangin (Awmvel) a nih rin a ni. 

A mawngbawrah a vei a, nulate an nih avangin han inentir mai hi a zak deuh a, a va in entir hian doctor hian damdawi-te lo chawhin an haw leh mai a, a nat leh deuh tak avangin holiday a lo nih avangin doctor an va hmu thei lo. A nat zual tak hi chu Ni-2 vel chauh a ni.

Ni 9.9.2025 hian a ruang hi Mizoram rawn panpui tum a ni a, tlai dar 3:00 ah chuan Lengpui Airport lo thlenpui beisei a ni. Lengpui atang hian hmun dangah chawlhpui loin Champhai Zotlang panpui a ni ang.