ICU-ah dahlut leh

Ni 29.8.2025 zan dar 9:50 vela Rochhingpuia  (44) s/o Haitinsanga, Bawngkawn Shalom Vengin silai (pistol) a kah Lalhriatrenga Siakeng (21) s/o Lalrawngbawla, Zotlang Veng, Aizawl chu ICU-ah dahluh leh a ni.

Zotlang Branch YMA hruaitute hnen atanga thudawn danin,  Lalhriatrenga hi a thaw hah a zual deuh avangin tukin dar 3:30 vel khan ICU-ah dah luh leh a ni a, dar 6:40 a.m khan ventilator an hman tir.

Nimin khan a puma thi khar awm an siak chhuak a, a chuapah tui a tling a, chu chuan a thaw a tihah ṭhin.

Oxygen pawh a hma aiin a mamawhna a sang. A chuapa tui tling hi vawiina siak tuma an inruahman mêk laiin tukin lamah a thaw hah a zual ta si a, ICU-ah an indah lut leh ta a ni.

Lalhriatrenga hi ni 1.9.2025 khan hma a sawn deuh vangin ICU atangin HDU-ah sawn a ni a, a dinhmun a that vak loh vangin ICU-ah dah leh a ni.