FCAA-ah CM-in dawt a sawi lo - Speaker

Assembly Speaker Lalbiakzama chuan vawiin (8.9.2025) hian a pisa-ah thuthar thehdarhture kawmin, Assembly Session neih zawh taka Forest Conservation Ammendment Act (FCAA) chungchangah Chief Minister Lalduoma'n dawt a sawi loh thu leh lungrual taka adopt anga ngaih a nih thu a tarlang.

Speaker chuan Chief Minister Lalduhoma khan dawt a sawi lo tih sawiin, 'Rule 137 of the Rules of Procedures and Conduct of Business-in a phut angin session-a resolution-te hi Legislative Assembly in official in State sorkar ah a hriattir tur a ni. Chumi ang chuan FCAA, 2023 oppose na resolution pawh kha Chief Secretary, Govt. of Mizoramah pek a ni, Lok Sabha pawh hriattir an ni. Lok Sabha hi Legislature a kan parent body a ni a, Legislative information-te hi library a an lo vawn that tur in pek ve thin an ni. Han sawi thui deuh ila, Legislature lamin Chief Secretary, Govt. of Mizoram a a hriattir khan Mizoram Sorkarin a tih tur a in tan chiah. Sorkar kalta khan hemi piah lam hi a hmalakna hriat a ni lo. Hei hi Chief Minister-im sorkar kal ta khan hma a lo la lo a tih lai kha a ni,' a ti.

Assembly House-ah member-ten an thurel reng rengte thlir dan hrang hrang in an sawiho (debate) thin tih sawiin Lalbiakzama chuan, 'Chumi hnuah chuan House ngaihdan lak a ni thin. Member-te hnenah remti in 'remti' ti ula, remti lo in 'remti lo'ti ula tiin Speaker/Chairman ten an ngaihdan an la thin. Hetia ngaihdan lak a nih lai a, remti lo an awm loh chuan lungrual tak a pass a ngaih ani thin. Tun tum a FCAA, 2023 adopt chungchangah khan remti ka zawta-remti an ti a, remti lo in awm chuan 'remti lo'ti rawh u ka tih leh khan remti lo tumah an awm lo,' tiin chuvangin kha resolution kha lungrual tak a pass zinga ngaih a nih thu a sawi.