Dan angin hma la

Taxation Department atanga thudawn danin, September 22, 2025 atanga goods & services tax (GST) thar hman a nih tak avangin hma an la.

Taxation Department-te hian Quick Reponse Team insiamin hma an la a, mipui hnen atanga complaint an dawnte an bawhzui a ni. GST rate tlakhniamna bungrua man ti tlawm lote chungah dan angin hma an la nghal zel. Pawisa an chawitir thin.

Tarlan tawh thin angin, Commissioner of State Tax chuan thuchhuah siamin, Central Sorkarin GST a tihhniam chu September 22, 2025 ațangin India ram pumah hman tur a nih vangin, GST registration nei sumdawngte chu GST rate hniamna bungrua an zawrhte a man (rate) tihniam turin a hriattir.

State Tax Commissioner tarlan danin, bungraw tam zawkah GST rate tihhniam a nih dawn avangin GST registration nei sumdawngte'n GST rate hniam tâkna bungruate chu a man an tihniam ve tur a ni. A tihniam lote chu GST dan hnuaia anti-profiteering measure hmangin hrem theih an ni.

GST rate thar anga thil man hniam tura ngaih, hniam si lote chu phone number 0389-2336167, 8415065109 leh 9862581640-ah hriattir tura ngen an ni a, Taxation Dept. office hrang hrangahte pawh complaint thehluh theih a ni.