MLA-in Kolasib DM document a dil

MLA Robert Romawia chuan vawiin (22.4.2025) hian Kolasib District Magistrate Robert C Lalhmangaiha hnenah DO letter thawnin, document a dil.

Robert Romawia chuan, 'Tun laia issue pawimawh tak, kuhva ro man sa tihral dan chungchangah thudik hriat ka duh a, a hnuaia documents te hi min lo pe ta che. Ka zin lai a nih avangin a hard copy bakah 'online' in min rawn thawn tel hram bawk la aw please. Mizoram sorkar dan ding lai anga MLA-ten documents kan dil chhuah theih angin min pe rang turin ka dil a che. Ram tana i rawngbawlnaah duhsakna ka hlan a che,' a ti.

Robert Romawia document duhte :

1. Thingdawla kuhva ro tiral/dispose tura Court-in order a chhuah copy (Court order).

2. Kuhva ro man sa tiral tura auction system/hralh chhawn system hmang tura decision lakna notesheet/file noting xerox copy.

3. Auction notice copy.

4. Auction notice TV, chanchinbu leh notice board a publish/display a ni tih proof-na copy.

5. List of auction bidders leh an bid-na details te copies.

6. Auction bidders te zing atanga authority-in a changtu tur a thlanna minutes leh order copies.

7. Kudam atanga kuhva ro phur chhuak tura thupekna copies.

8. Kuhva ro auction chhangtute sum pek Kolasib DC&DM in a dawnna receipt copy leh sorkar sum tura challan hmanga Treasury-a a chhun luhna copy.