Ruihhlo that lohzia inzirtir

Vawiin (11.5.2025) chhun khan Baptist Church of Mizoram (BCM) Venghlui Biak Inah Social Welfare Department leh tlawmngai pawl Foundation For Drug-Free Mizoram buatsaihin BCM Republic Vengthlang Pastor Bial tleirawl meet-ah ruihhlo that loh zia inzirtirna hun buatsaih a ni a, tleirawl mi 150 te anmahni duhthuin ruihhlo laka fihlim turin an intiam. 

Resource Person Prof. HK Laldinpuii Fente chuan kalkhawmte chu Pathianin mihring thluak ropui tak min pek zirchianna a neihpui a, mihring thluak ropui takah ruihhlo a leng ve lo tih sawiin; 'Ruihhlo hian nawmchenna lem bak min tawktarh lo,'tiin ruihhlo tel lo nun duhawm thlang turin a fuih. 

Tlawmngai pawl Foundation For Drug-Free Mizoram hian kohhran thliar lovin Mizorama kohhran awm zawng zawngte an thawhpui vek a ni.