Mipui ngenna ti chhuak

Lunglei District Disaster Management Authority (DDMA) Chief Executive Officer (CEO) Rochuangkimi Khenglawt chuan mipui ngenna tichhuakin, India leh Pakistan inkar tha lo mek vanga thil man tito lo turin dawrkaite a ngen.

Lunglei DDMA CEO chuan sorkarin ni tin mamawh ei leh bar, petrol/diesel, eirawngbawlna gas a khaihlak loh nan theihtawp a chhuah reng tih tarlangin, 'Mipui pawh chiai vanga mahni mamawh bak thil lei leh chhêk khawl chiam lo turin kan inngen a ni' a ti.

Social media-ah thuthang dik lo leh belhchian dâwl lo lêng vel a tam thu tarlangin Rochuangkimi chuan, 'Kan thu hmuhte a dik ngei tih finfiah hma chu awih ngawt loh tur a ni a, sorkar aṭanga official-a thuchhuah chauh rin tur a ni,' tiin Central Sorkarin India sipaite veivahna leh chet velna thlalak, video leh news anga vawrh darh a khapna chu zâwm turin mipuite a ngen nghal.