Mibo thiin an hmu
admin 28-May-2025 03:22 PMSynod-in ruihhlo ngaite puala camping an buatsaihah camper zinga mi Lalsiamkima (31) s/o Lalnghilhlovi, Bawngkawn Veng chu thia hmuh a ni.
Bengvarna thudawn danin, ruihhlo ngaite puala camping May 5, 2025 atanga thla khat awh tur buatsaihah hian beisei aia lut an tam avangin camping neihna tura tih Synod Revival Camping Centre (RCC)-in a dawl zawh loh avangin May 6, 2025 khan YRC Convention Centre-ah mi 300 vel sawn thlak an ni. Mi 1,000 vel a lut.
Lalsiamkima hi Synod RCC-ah awmin, May 7 atangin a awmna chin hriat a ni lo. Bawngkawn YMA pawhin mibo zawnna an ti chhuak. Vawiin chawhnu dar 1 leh chanve vel khan RCC ram huam chhungah thia hmuh a ni.
Ruang la turin Bawngkawn YMA hruaitute an kal a, police-te a tul ang buaipui turin an kal ve nghal. Tihfel ngaite tihfel a nih hnuah an chenna panpui a ni ang.
