Auto rickshaw driver rinawm

Lawngtlai Auto Rickshaw Owners Association (LAROA) chuan thuchhuah siamin, an member Henry Lalhmingmuana s/o Laltawmliana, Lawngtlai-3 chuan a passenger pawisa theihnghilh cheng nuai 15 chuang a pek let thu an tarlang.

LAROA tarlan danin, Henry Lalhmingmuana hian ni 19.5.2025 zan dar 9:00  vel khan  Lawngtlai Bazar atangin Husop Hotel (Assam Rifle Camp) bulah Burma sumdawng a thlah a, Burma sumdawng hian auto rickshaw-ah bag dum a chhunga pawisa cheng nuai 15 chuang awm a theihnghilh a ni. 

A neitu leh hotel neitute an mangan em em laiin auto rickshaw driver Henry Lalhmingmuana hian a passenger-in a theihnghilh tih a hriat velah, hotel-ah tlan let lehin, a neitupa hnenah a pe let leh thlap.

LAROA chuan hetiang ang mi rinnawm auto driver an awm hi an chhuang tak zet tih tarlangin, a kal leh zelna turah duhsakna sang ber an hlan.