Diesel ruk ching an man

Lunglei Police-te nimin (20.6.2025) khan Lunglei khawpui chhunga motor atanga diesel ruk ching an man.

Lunglei Police atanga Bengvarna thudawn danin, kar liam ta chho velah khan a bikin Venglai leh veng thenkhatah motor ding lai kawngsira hun atangin diesel bo a awm thin a ni.

Motor hnuai tanky hose pipe zai chhia in, bur emaw a dawh a ruk a ni thin. Nimin khan DSB staff ten rinhleh an nei a, an ina an han enfiahin bucket a diesel litre 15 vel lo la awm te, a hmanrua ni awm tak chemte leh a thawmhnaw hak ni a ngaih chu hmuh niin man a ni.

Tichuan diesel a lo ruk tawhna thin Venglai Local Council pick up kawltu an  Treasurer-in FIR a thehlut.

Diesel lo ru thintu hi Lalnghaksanga (27) s/o Ramropuia of Rahsi Veng, Lunglei a ni, man a ni. Amah pawhin tha takin a sawi a, thla khat vel chu tiang hian a lo che tawh thin a ni.

Zing khawvar tirh chho velah a che tlangpuiin a insawi. Heng diesel a rukte hi khawthlang lam motor kal turah te a hralh thin thu a sawi.