Thil zuar thinten kawng an dang

Aizawl Tennis Court bul vela thil zuar thinte chuan Aizawl Municipal Corporation (AMC) laka lungawi lohna lantirna atan kawng an dang a, AMC thiah an phut.

Thil zuar thinte chuan AMC chu mirethei rahbet tuah puhin thiah an duhthuin an aurual a, 'AMC vawi tam kan dil a, min phal sak lo. Hmun dangah pawh hma an la chuang lo. Kar khatah Inrinniah chiah kan thu, kan thut loh pawhin motor a ding zel tho. Ngatinge keini hi min ngaihmawh em em,' an ti.

Thil zuar thinte hi dar 9:30 vel atangin kawng an dang a, he thuziahlai thleng hian an la dang.

Tarlan tawh thin angin, AMC chuan Aizawl Tennis Court leh a chhehvelah hian thil zawrh an khap a, thil zuar thinte chu AMC Multi Complex, Tuikual South-a thil zuar turin an ti.