HM-in passing out parade a hmanpui

Home Minister K Sapdanga chuan nimin (20.6.2025) khan  Jail Warders, Batch 14 na, Central Training Institute, Sesawng-a basic training course kal zote puala hun buatsaih, passing out parade-ah khuallian niin hun a hmanpui.

K Sapdanga chuan training ngai lo khawpa buai chu thil atthlak tak a nih thu sawiin, 'Kum chawhnu lamah MLA-te kan han ni ve a, ni thum training kan neihte kha tun thleng hian ka hlawkpui hle a ni. In training-ah dan leh hrai leh jail inkaihhruaina dan in zir zawng zawngte pawh hi in pension thlengin a la tangkai ngei ka ring,' a ti.

Uniform chu khawvelah thil zahawm pawla sawi a ni thin tih sawiin Home Minister chuan, 'Uniform hian ken tel a nei a, tha taka uniform kan hak hian thupek a keng tel nghal a, khawtlang nunah zahawmna min siam. Vawiinah hian uniform cadre-te dinhmun chawisan zel a nih theihna turin kan hotuten ruahmanna an siam chho zel,' tiin uniform cadre hian ngaihsan a hlawh chho leh mek thu a sawi.

Home Minister hian training chhunga ti tha, lawmman hrang hrang dawngtute hnenah trophy, citation leh medal a hlan nghal.

Lawmman dawngtute chu: -

1. Home Minister Award for Best All Rounder  - Female Warder Lalrinawmi

2. Home Secretary Award for Best Drill  - Warder Lalrinliana

3. IG Prison Award for Best Firer -  Warder Lalnunkima

4. Commandant General Award for Best Discipline  -  Warder F Lalrinmawia

5. Commandant CTI Award for Best Turn Out - Warder RC Lalzarmawia