ADC-te tei tet tum an ni?

Lawngtlai West MLA C.Ngunlianchunga chuan nimin (23.9.2025l zing khan Thingkahah YLA Information House a hawng a, autonomous district council (ADC) tei tet tumna a awm thu a sawi.

C Ngunlianchunga chuan Mizorama ADC dinhmun her danglam tuma hmalakna a awm tih sawiin, 'ADC te tiliana, thuneihna sangzawk pek aiin, tuna a dinhmun hi sawrzima, teitet hret hret tuma hmalak a ni,' a ti.

ADC dinhmun teitet a nih chuan, rei loteah hnam anga thuneihna leh rorelna hran neite hian ral hun an neih mai a hlauhthawn thu sawiin C Ngunlianchunga chuan, ADC sorkar, politician leh mipuiten ADC hlutna hre thara, dinhmun sang zawk a luahtheih nan duhsak tlaka inherrem a tul thu a sawi bawk.