Mobile phone a neitu pe let

Vawiin (27.5.2025) chhun khan Aizawl Police Station chuan mobile phone bo an ziah luh CEIR App's hmanga an hmuh let lehte chu a neitute hnenah an pe let.

Mobile phone bo hmuh let leh a neitu te hnena hlan inkhawm tawi Aizawl PS Conference Hall-ah Aizawl Police Station Officer-in-Charge Lalnunmawia chuan April, 2025  atang khan mobile phone bo Aizawl Police Station a report-te chu CEIR App's hmang a an chhui tan thu sawiin, 'Vawiin thleng hian mobile phone bo 33 chuang kan hmulet tawh. Tun tuma a neitu te hnena an hlan let leh hi May thla kan hman mek chhung kan hmuhlet 12 a ni," a ti.

Aizawl Police Station OC  chuan, mobile phone tibo leh ruk sak tawkte chu police station-a report tur an ngen thu sawiin, "Theihtawp kan lo chhuahpui zel ang,' a ti a,  za a za hmu let leh lo mah se, a tam zawk hmu let leh ngei tur a tan an lo lak pui tur thu a sawi.

Mobile phone bo hmuh let leh 12 te hi Aizawl South SDPO thar H. Lalduata leh officer dangten a neitute hnenah an pe let leh a ni.